A comunicación é esencial en calquera organización, pero cobra unha especial relevancia nas entidades dedicadas á saúde e o benestar, como é o caso de FEGADEM. No contexto da Esclerose Múltiple (EM), a comunicación convértese nunha ferramenta poderosa para mellorar a calidade de vida das persoas, aumentar a súa visibilidade e difundir información veraz e útil, fortalecendo tamén o tecido asociativo. 

Comunicación social: Conectar, Informar e Sensibilizar

A comunicación social ten o poder de conectar ás persoas e crear unha comunidade máis inclusiva e empática. Para as persoas con EM é fundamental saber que non están soas, que hai outras persoas que comprenden a súa situación e que existe un apoio constante. En FEGADEM proporcionamos información actualizada a través da nosa web e redes sociais e creamos un espazo onde as persoas poden compartir as súas experiencias, recibir apoio e sentirse parte dunha comunidade máis grande.

Divulgamos información veraz e práctica sobre a EM.

Nun mundo onde a desinformación pode difundirse facilmente, en FEGADEM comprometémonos a ofrecer contido rigoroso e útil que axude ás persoas a entender mellor a EM e a xestionar a súa vida cotiá con máis ferramentas e confianza. Esta información é valiosa para as persoas con EM e para as súas familias, amigos e a sociedade en xeral, promovendo unha maior sensibilización e comprensión sobre a EM.

ComunícatTEM

O noso programa de comunicación 'ComunícatEM' está deseñado para beneficiar tanto ás persoas con Esclerose Múltiple (EM) como ás nosas asociacións membro. A nosa estratexia de comunicación foi creada para ter un impacto positivo na calidade de vida das persoas con EM. Ao centrarse na actualización de plataformas dixitais, a creación de materiais de difusión atractivos e accesibles, e a mellora da comunicación interna, FEGADEM está construíndo unha rede de apoio sólida e eficaz coas persoas interesadas e as asociacións membro.

As actividades de comunicación externa e interna facilitan o acceso a información e recursos útiles, así como xeran un sentido de pertenza e apoio comunitario. 

Algunhas das actividades do proxecto son:

• Actualización e posta ao día da web e as redes sociais de FEGADEM.

• Divulgación de información veraz e práctica sobre a EM. 

• Actualización da documentación interna de FEGADEM.

• Actualización dos estatutos de FEGADEM. 

• Actualización e creación de materiais de difusión de FEGADEM.

• Elaboración de vídeos divulgativos sobre a EM. 

Con estas actividades buscamos mellorar a divulgación e sensibilización sobre a EM, proporcionando recursos útiles e accesibles para toda a comunidade. Podes seguir parte deste proxecto nas redes sociais: Instagram, Facebook e X.