Reserva praza no programa de termalismo do IMSERSO

Publicada o

O Instituto de Maiores e Servizos Sociais (IMSERSO) publicou as bases para solicitar praza para o seu programa de termalismo do IMSERSO para o ano 2026. Esta é unha iniciativa anual que consta en que as persoas que cumpren os requisitos solicitados nas bases poden obter unha praza para disfrutar duns días nun establecemento termal. Deste modo, contribúese a mellorar a situación das persoas maiores e as persoas con incapacidade permanente.

Obxecto do programa

Este programa busca fomentar o envellecemento activo, combater a soidade non desexada e favorecer o benestar e a saúde.

Ademais, o IMSERSO busca desestacionalizar o turismo termal, facilitando a permanencia dos postos de traballo durante todo o ano e fomentando o ámbito rural.

Requisitos

Para ser persoa beneficiaria deste programa, debes cumprir un dos seguintes requisitos:

  • Ser pensionista por xubilación ou incapacidade permanente.
  • Ser pensionista por viuvez sempre e cando teñas 55 anos ou máis.
  • Ser pensionista por outros conceptos ou ter o subsidio por desemprego se tes 60 anos ou máis.
  • Ser persoa asegurada do Sistema da Seguridade Social, con 65 ou máis anos.

Ademais, debes cumprir todos os seguintes requisitos:

  • Valerte por ti mesmo/a para desenvolver as actividades básicas da vida diaria (ABVD).
  • Necesitar tratamentos termais e carecer de contraindicacións médicas.
  • Acadar a puntuación requirida.

Servizos

Ser persoa beneficiaria do programa supón obter unha habitación dobre e manutención en réxime de pensión completa nun dos aloxamentos termais que aparecen na convocatoria. Ademais, inclúe tratamentos termais básicos. Estes recollen un recoñecemento médico previo, tratamento termal prescrito, seguimento médico, actividades de ocio gratuitas e unha póliza de seguro.

Son turnos de 10 días e 9 noites, con pensión completa e en periodos entre febreiro de 2026 e decembro de 2026, existindo 197.000 prazas dispoñibles.

Acompañantes

As persoas beneficiarias do programa de termalismo do IMSERSO poderán levar acompañantes, sempre que sexa un dos seguintes casos:

  • Cónxuxe, parella de feito ou persoa coa que hai unha unión de convivencia estable, sempre e cando poidan desenvolver as ABVD e non teñan contraindicacións médicas para os tratamentos termais.
  • Fillos/as cun grao de discapacidade do 45% ou máis, sempre que o disfruten cos seus pais/nais e se aloxen na mesma habitación.

Prazos

  • Ata o 4 de decembro de 2025: para os turnos entre febreiro e agosto de 2026.
  • Ata o 15 de maio de 2026: para os turnos entre setembro e decembro de 2026.

Para a inclusión nas listas de agarda para as prazas, por renuncias ou outras circunstancias, hai os seguintes prazos:

  • Ata o 14 de maio de 2026: para os turnos entre febreiro e agosto.
  • Ata o 31 de outubro de 2026: para os turnos entre setembro e decembro.

Como solicitar a praza

A solicitude pode facerse de dous modos:

  • Forma telemática a través da Sede Electrónica do IMSERSO: é a maneira recomendada. Non é necesario certificado electrónico.
  • Descargar o modelo de solicitude, cumprimentalo e remitilo por un dos seguintes medios:
    • A través dos rexistros electrónicos e oficinas.
    • Enviar por sobre franqueado (NON certificado) á dirección: Programa de Termalismo del Imserso, apartado de correos 61.285, 28080 Madrid.

Vídeo para ver como solicitar praza no programa de termalismo.

Se tes dúbidas, podes contactar con FEGADEM e o noso servizo de Traballo Social axudarache a solicitar a túa praza.

Infórmate