Axenda

AODEMPER organiza unha salida para as súas persoas socias para visitar a exposición Orixes na Cidade da Cultura en Santiago de Compostela. A exposición é a través de realidade virtual e coñeceranse as orixes do noso planeta.

Será o ser humano o detonante dunha nova extinción masiva?

A Asociación Compostelá de Esclerose Múltiple (ACEM) organiza unha xornada de convivencia e disfrute para as súas persoas asociadas, que terá lugar o próximo martes 15 de outubro ás 11:00 horas. Nesta ocasión, a actividade consistirá nunha visita á Ecogranxa Casa Grande de Xanceda, un espazo dedicado á produción ecolóxica e ao contacto directo coa natureza e os animais.

Sobre a ecogranxa Casa Grande de Xanceda

Situada na localidade de Mesía (A Coruña), a Ecogranxa Casa Grande de Xanceda é un referente en produción agroecolóxica e gandería sostible. Durante a visita, os/as participantes poderán coñecer de primeira man as súas instalacións, os procesos de produción respectuosos co medio ambiente, así como disfrutar dun contacto directo con animais de granxa e aprender sobre prácticas de vida sostible.

Detalles da actividade

Data: Martes, 15 de outubro
Hora de saída: 11:00 h
Destino: Ecogranxa Casa Grande de Xanceda – Mesía
Organiza: ACEM Santiago

Contacta con ACEM para máis información.

A Federación Galega de Esclerose Múltiple (FEGADEM) proxecta o seu documental 'O SilEMcio do Rural' en Santa Comba coa colaboración do Concello de Santa Comba. 

Información do evento

• Santa Comba, Auditorio do Edificio Multiusos
• Xoves 16 de outubro 
• 17:30 horas

Inscricións

Podes inscribirte pulsando aquí.

Tamén podes facelo contactando co Concello ou directamente con FEGADEM.

Sinopse

No rural galego, onde as distancias poden ser longas e os servizos escasos, hai voces que case non se escoitan... pero existen. E teñen moito que contar. 

O SilEMcio do Rural é unha viaxe ao corazón do rural, a onde tamén hai persoas que conviven coa Esclerose Múltiple. Historias reais, silencios que falan e unha pregunta no aire: que ocorre cando a distancia impón as súas barreiras?

14 entrevistas a 14 persoas con Esclerose Múltiple que viven no rural galego e que contan as súas vivenzas, emocións, preocupacións e necesidades. 

"Unha loita contra as distancias e as barreiras invisibles da Esclerose Múltiple". 

Inscríbete e asiste!

O 16 de outubro, en El Cercano, AODEMPER organiza o Falando entre nós, unha xornada aberta sobre a Esclerose Múltiple. Ademais, haberá unha exposición de arte, poesía e audiovisual. 

Información do evento

Participarán profesionais da saúde do SERGAS, do Complexo Hospitalario Univeresitario de Ourense:

• Martina Fernández B. (Médica rehabilitadora)
• Belen Piñeiro (Traballadora Social)
• Nuria Suárez (Enfermeira de neuroloxía)

Participarán tamén persoas de AODEMPER especializadas na temática:

• Susana Fernández (Presidenta)
• Alberto Permuy (Secretario)
• Sonia Cuquejo (Vocal)

Exposición cultural

Contarase con obras de tres artistas, na disciplina de poesía, arte e audiovisual. 

• ArTE PoLIFaCÉtICo EsCleroTicO, de Ieltxu Marcos.
• O TeMpO Que ConTa, de Alba Ferro.
• Empoeta, de Alberto Permuy.

Datos

Data: xoves 16 de outubro

Hora: 18:00 a 20:00 horas

Lugar: El Cercano (Ourense)

AODEMPER organiza unha escape room para persoas socias da asociación. Hai prazas limitadas, polo que é necesario inscribirse contactando con AODEMPER.

AVEMPO organiza de novo este 2025 a XIII Carreira Solidaria Eu Móvome pola Esclerose Múltiple. Será o domingo 26 de outubro na Alameda de Bouzas (Vigo). Inscríbete!

Información do evento

• Lugar: Alameda de Bouzas (Vigo)
• Data: domingo 26 de outubro
• Hora: 11:00 horas
• Modalidades: carreira 10km, carreira 5km, andaina e dorsal 0.
• Inscricións en: Magmasport

Inscrición

Podes inscribirte aquí  na modalidade que desexes dende hoxe ata o 21 de outubro. Os prezos varían segundo a modalidade, entre os 12€ e os 6€, ademais das doazóns que se queiran realizar á asociación. 

Se non podes asistir pero gustaríache colaborar, tamén podes adquirir o Dorsal 0 e contribuirás ao desenvolvemento das actividades de AVEMPO.

Lévate unha camiseta ou suadoiro

Tamén podes colaborar coa asociación levándote unha das camisetas ou suadoiros oficiais da carreira. Podes reservalas dende xa para asegurar o tamaño antes do 7 de outubro.

Máis información en www.avempo.org/eumovome

A Asociación Coruñesa de Esclerose Múltiple (ACEM Coruña) organiza unha charla informativa chamada “Distinción entre discapacidade e incapacidade. Acceso a ambos procedementos e aspectos xurídicos relevantes”, para aclarar estes dous conceptos xurídicos que adoitan xerar confusión, especialmente entre as persoas con enfermidades crónicas ou con discapacidade.

O encontro celebrarase o martes 28 de outubro, de 18:00 a 19:30 horas, na Fundación San Rafael (Estrada da Palloza, 4, 15006, A Coruña).

A sesión contará coa colaboración de Atlántico Abogados y Consultores e será impartida por Sheila Rodríguez Muñoz, especialista en Dereito Laboral, quen abordará os aspectos legais máis relevantes, o acceso a ambos procedementos e as implicacións que cada un ten.

Aberta ao público

A charla está aberta a todas as persoas interesadas, especialmente aquelas que desexen comprender mellor os trámites, dereitos e repercusións xurídicas vinculadas á discapacidade e a incapacidade.

Detalles do evento

Data: Martes, 28 de outubro
Hora: De 18:00 a 19:30
Lugar: Fundación San Rafael – Estrada da Palloza, 4, 15006, A Coruña
Ponente: Sheila Rodríguez Muñoz, especialista en Dereito Laboral
Colabora: Atlántico Abogados y Consultores
Organiza: ACEM Coruña (entidade membro de FEGADEM)
Entrada libre