Sensibilización e Comunicación
En FEGADEM entendemos a comunicación como unha ferramenta para visibilizar a Esclerose Múltiple (EM), sensibilizar á sociedade e fortalecer o tecido asociativo. A través deste servizo apoiamos ás entidades membro e ás persoas con EM e familias, ofrecendo información veraz, recursos accesibles e espazos de participación.
Comunicación
Centrámonos en mellorar a comunicación interna e externa da Federación, actualizando plataformas dixitais, creando materiais accesibles e reforzando a divulgación sobre a EM.
Sensibilización
Partimos dunha iniciativa de sensibilización social que busca visibilizar a EM, combater os estigmas existentes e fomentar unha comunidade máis empática e solidaria.
A comunicación e a sensibilización
- Actualizamos a web e as redes sociais con información útil e rigorosa, de fontes fiables.
- Difundimos materiais de sensibilización accesibles e atractivos.
- Crear campañas sociais.
- Elaborar vídeos divulgativos e testemuñas en primeira persoa.
- Impulsar programas educativos en escolas e institutos.
- Promover accións como o manifesto pola EM para dar voz ás persoas afectadas.
- Fortalecer a comunicación interna e a coordinación entre as entidades membro.
A través da comunicación de FEGADEM buscamos aumentar o coñecemento da sociedade sobre a EM, reducir os estigmas e a desinformación, fomentar unha comunidade máis inclusiva e solidaria e reforzar as accións das asociacións membro.