Como federarse
Se es unha asociación que traballa no ámbito da EM e outras enfermidades neurodexenerativas, quizais poidas formar parte de FEGADEM. Consulta os requisitos, dereitos, obrigas e o procedemento para federarse.
Para poder ser membro de FEGADEM deberás cumplir os seguintes requisitos:
- Estar legalmente constituída e inscrita no Rexistro de Asociacións competente.
- Non ter débedas pendentes coa Federación.
- A patoloxía principal que representa é a Esclerose Múltiple e outras enfermidades neurodexenerativas.
- Compartir a finalidade e os fins da Federación.
Dereitos
- Participar nas Asembleas con voz e voto.
- Expresar opinións, suxestións e críticas á Xunta Directiva.
- Participar nas actividades da Federación.
- Recibir información sobre as contas, as actividades e os Órganos de Goberno e Representación.
- Presentarse a cargos da Xunta Directiva.
- Desfrutar dos bens e servizos da Federación segundo o regulamento interno.
Obrigas
- Compartir a finalidade e os fins da Federación e colaborar para a súa consecución.
- Participar nas actividades da Federación e asistir ás reunións convocadas.
- Comunicar á Federación situacións que atenten contra a dignidade das persoas con Esclerose Múltiple.
- Abonar as cotas correspondentes.
- Desempeñar os cargos de Xunta Directiva para os que foron elixidos ou elixidas.
- Presentar nos 3 primeiros meses de ano a Memoria de Actividades, o Balance Económico e a Conta de Resultados, así como o certificado co número de persoas socias e as súas condicións.
- Non danar a imaxe da Federación.
Procedemento para federarse
O procedemento de admisión está regulado no Regulamento de Réxime Interno (RRI) da Federación, polo que podes consultalo para coñecelo detalladamente.
O proceso de federación é voluntario e está aberto todo o ano.
Requisitos básicos da entidade solicitante
A asociación que quere federarse debe:
Ter capacidade xurídica plena.
Non ter impedimentos legais.
Contar con estatutos propios, órgano de goberno democrático e persoas socias debidamente afiliadas.
Ter como fin principal a atención, apoio, investigación, promoción, rehabilitación integral, difusión e defensa das persoas con EM e outras enfermidades neurodexenerativas.
Solicitude formal
Serán as entidades interesadas en formar parte da Federación as que, voluntariamente, iniciarán o procedemento de admisión.
Enviarase un escrito á Xunta Directiva de FEGADEM, asinado e selado, que inclúa:
- Datos da entidade (nome, CIF, domicilio fiscal e/ou social, teléfono ou medio de contacto).
- Nome e DNI da persoa representante legal.
- O motivo da solicitude.
- Lugar e data de emisión do escrito.
Documentación necesaria
Co escrito, achegarase a seguinte documentación:
a) Copia do CIF da entidade solicitante.
b) Copia da Acta fundacional da entidade solicitante.
c) Copia dos estatutos e da resolución legal que os aprobe.
d) Memoria das actividades do último ano e Programa de actividades do ano en curso.
e) Balance económico do ano anterior e Orzamentos Xerais de Ingresos e Gastos do ano actual.
f) Certificado asinado pola Secretaría da entidade co visto bo da Presidencia, que conteña:
- Composición do órgano executivo e/ou directivo.
- Número de persoas socias.
- Acordo de Asamblea no que se manifeste que queren integrarse en FEGADEM.
A Xunta Directiva poderá solicitar a ampliación da documentación que considere necesaria.
Podes enviar todos os documentos requiridos e calquera dúbida contactando con FEGADEM.