Asóciate
Unirse a algunha das entidades membro de FEGADEM fortalece a comunidade de Esclerose Múltiple en Galicia, asegurando a continuidade dos servizos que as asociacións ofrecen. Ademais, potencia a visibilidade da EM e reforza o movemento asociativo galego, contribuíndo á defensa dos dereitos das persoas con EM e das súas familias.
Importancia de asociarse
Asociarse a unha entidade Esclerose Múltiple mellorará tanto a túa propia calidade de vida como fortalecerá a comunidade da Esclerosis Múltiple en Galicia. Permite acceder a recursos, apoio personalizado e programas adaptados ás túas necesidades, ao mesmo tempo que contribúes a que outras persoas con EM e as súas familias tamén teñan acceso a servizos e atención de calidade. A túa participación fai máis forte o movemento asociativo e garante que a voz das persoas con EM e os seus dereitos sexan escoitados e respectados.
Servizos de rehabilitación adaptados a ás necesidades de cada persoa
Información fiable e actualizada sobre a Esclerose Múltiple
Apoio emocional individualizado
Conexión con outras persoas con EM e as súas familias
Contribuír a fortalecer os teus dereitos
Cando asociarse
Unirse a unha asociación de FEGADEM non significa que teñas que estar pasando por unha situación complicada ou que a túa vida estea marcada pola EM. Moitas persoas senten medo ou vergoña ao asociarse, pensando que só é para quen precisa axuda urxente. Pero formar parte da comunidade é prevención, información e conexión. Podes asociarte simplemente para coñecer recursos, compartir experiencias, apoiar a outras persoas ou participar en actividades adaptadas ao teu ritmo e necesidades. A asociación adáptase a cada persoa e a súa situación, ofrecendo un espazo seguro e próximo onde todas as persoas se sintan acollidas.
Como asociarse
Para asociarte, só tes que contactar con FEGADEM e unha das nosas traballadoras buscará cal das asociacións se adapta mellor á túa situación. Podes chamar, pedir información e orientarémosche o mellor posible. Ti podes decidir despois se asociarte ou non, pero animámoste a que fagas a proba. As asociacións están aí para ti, son un recurso para a túa familia e para as persoas con Esclerose Múltiple galegas. Asociarte tamén é coidar de ti e dos teus.